Тоқаев Қасым-Жомарт Кемелұлы
Жеке қор дегеніміз не
Жеке қор — адамның өмірін тек мемлекеттік қайраткер ретінде ғана емес, жеке тұлға ретінде де ашатын құжаттар, фотосуреттер және басқа да материалдар жиынтығы: өмірінің әртүрлі кезеңдеріне қатысты құжаттар, хат-хабарлар, наградалар мен естелік заттар. Бұл материалдар оның өмірі, отбасы, қызметі және қалыптасу жолындағы оқиғалар арқылы тұлғаның тарихын көруге көмектеседі.
Қ.Қ.Тоқаевтың жеке қоры Қазақстан Республикасы Президентінің Мұрағатында сақталады.
Қазақстан Республикасының Президенті
Мемлекет қайраткерінің өмірбаяны
Қасым-Жомарт Кемелұлы Тоқаев 1953 жылғы 17 мамырда Алматы қаласында дүниеге келген. 1975 жылы Мәскеу мемлекеттік халықаралық қатынастар институтын (ММХҚИ), кейін Ресей Федерациясы Сыртқы істер министрлігінің Дипломатиялық академиясын бітірді.
Еңбек жолын КСРО Сыртқы істер министрлігі жүйесінде бастаған. КСРО мен Қазақстан Республикасының дипломатиялық өкілдіктерінде жұмыс істеді, Сыртқы істер министрі, Қазақстан Республикасының Премьер-Министрі, Мемлекеттік хатшысы, Қазақстан Республикасының Парламенті Сенатының Төрағасы, сондай-ақ Біріккен Ұлттар Ұйымы Бас хатшысының орынбасары және БҰҰ-ның Женевадағы бөлімшесінің Бас директоры қызметтерін атқарды.
2019 жылғы 20 наурызда Қазақстан Республикасының Президенті қызметіне кірісті. Кезектен тыс президенттік сайлау қорытындысы бойынша 2019 жылғы 9 маусымда Қазақстан Республикасының Президенті болып сайланды және 2019 жылғы 12 маусымда Мемлекет басшысы лауазымына ресми түрде кірісті.